Goizargi

‘Heriotza hezkuntza-komunitatean’ gida

/0 Comments/by

‘Heriotza hezkuntza-komunitatean. Elkarri doluan lagunduz’ gidak eta triptikoak irakasleei laguntza eskaini nahi die ikastetxe barruan, bai ikasle, irakasle edo irakasle ez den langile baten heriotza izan denean. Bere helburua pentsatzen laguntzea eta zer, noiz eta nola jokatu erabakitzen laguntzea da, heriotzaren inguruko emozioek argi ikusten edo argi jokatzen uzten ez dutenean.

Edukia Goizargi elkarteak landu du, Hezkuntzako Bizikidetza Aholkularitzarekin batera, eta Incluye Navarra erakundearen ekarpenak jaso ditu, desgaitasuna duten pertsonen doluaren bizipenari dagokionez; halaber, SEI elkartearen ekarpenak ere jaso dira, pertsona migratzaileen doluaren bizipenari dagokionez.

Gida deskargatu dezakezu: Heriotza hezkuntza-komunitatean

Triptikoa deskargatu dezakezu: Heriotza hezkuntza-komunitatean

Goizargi

Dolua haurtzaroan eta nerabezaroan

/by

Heriotza bizitzaren parte bat da, ezin dugu ekidin. Hurbiletik bizi dugunean, laguntza behar dugu, baita besteen ulermena eta doluaren mina bizitzeko espazioa ere. Inguruak, gizarteak oro har, arreta desbideratzeko joera du, “babesteko” joera, doluaren mina ekiditekoa. Eta errealitate hori are handiagoa da gure txikiei buruz ari garenean.

Agian horren kontrakoa behar dugu, hain zuzen… Heriotzerako hestea eta bizitzarako heztea ezin dira bereizi, eta horrek laguntzen digu lasaitasuna eskuratzen une guztiak intentsitatez bizitzen ikasteko, bizitzako une bakoitza bizitzen ikasteko, bizitzako une bakoitza bakarra eta errepikaezina baita.

DESKARGATU PDFean DAGOEN HIRUORRIKOA

Goizargi

ELKARTEARI BURUZKO HIRUORRIKOA

/by

Gure lana da maite duten pertsona baten galerak eragindako dolu-prozesuan diren pertsonei lagun egitea, bai eta sostengua eta laguntza ematea ere. Izan ere, errespetuz, zintzotasunez, kalitatez, konpromisoz, gardentasunez, gogo biziz eta arduraz saiatu behar dugu doluan direnak berriz gizarteratzen eta haien bizitza normaltzen.

Hiruorriko honetan gure historia, gure xedeak, gure zerbitzuak eta programak daude bilduta, bai eta doluari buruzko zertzelada batzuk ere.

Deskargatu PDFeran dagoen hiruorrikoa

Goizargi

DOLUARI BURUZKO OINARRIZKO GIDA

/by

Gida honetan dolua zer den azaltzeaz gain, dolu-prozesua bizi duen pertsonak zer egoerari aurre egin behar dien dago bilduta, eta jarraibideak ere ematen ditu dolu-prozesua hobeki ulertzen saiatzeko. Gainera, gomendioak ematen ditu doluan dagoen pertsona bat laguntzen dugunean kontuan hartu beharrekoak jakiteko edota zer egin haur bat denean.

Deskargatu PDFeran dagoen hiruorrikoa

Goizargi

EGUN BATEAN DENA ALDATU ZEN

/by

“Un día como otro cualquiera, en una familia como otra cualquiera. Un día igual a los demás, en el que todo CAMBIÓ”. Horrela hasten da Egun batean dena aldatu zen ipuina, hau da, Rakel Mateo piskopedagogoak idatzi eta Itziar Goñi diseinatzaileak ilustratutako ipuina.

Haur batek maite duen pertsona bat galtzen duenean, helduek erabakiak hartzen dituzte haurrek zer sentitzen duten kontuan hartu gabe eta, askotan, gertatzen ari den horretatik kanporatzen dituzte, horrek haurrak babestuko dituelakoan, baina hori ez da egia. Baina helduak beldurra uxatu eta gure haurrekin heriotzaz hitz egiten duenean, ohartzen gara haurrek gaitasun handia dutela bai sentitzeko, bai guri irakasteko. Izan ere, eramangarriagoa egiten zaie edozein egoera, zer gertatzen ari den jakinik, eta beren irudimena eta fantasia erabili behar ez badituzte zer gertatzen den ondorioztatzeko.

4 urtetik 10ra bitarteko haurrei zuzendurik, ipuina bizitzaren parte bat bezala mintzatzen da heriotzaz, eta baliabide egokia izan nahi du bai gurasoentzat, bai hezitzaileentzat, egoera horien aurrean nola jokatu jakiteko. Gainera, proposamen didaktiko bat ere badu.

Gaztelaniaz, euskaraz eta braillez argitaratua, 15 euro balio du, eta salmentatik ateratzen den diru guztia Goizargirako da. Goizargiren egoitzan aurkituko duzue, baina beste establezimendu hauetan ere bai:

  

Iruñean:

Lizarran:

  • Librería Clarín. Sorkunde Garbiaren pasalekua, 40.

Tafallan: